Í morgin, mikudagin 25. apríl skipar MFS fyri flaggdagshaldi í Keypmannahavn. Vit hátíðarhalda dagin á Regensen, har Merkið var borið fram á fyrsta sinni í 1919.
Anna Poulsen, sum hevur arbeitt fyri Kringvarp Føroya og nú lesur Búskaparfrøði í Keypmannahavn, fer at halda flaggdagsrøðu, og vit fara eisini at syngja nakrar flaggdagssangir. Eftir hetta verður møguligt at fáa rundvísing inni í Regensen.
Skrá:
- MFS bjóðar vælkomin
- Mítt Føðiland
- Anna Poulsen heldur flaggdagsrøðu
- Sjá tú blánar
- Tú alfagra land mítt
MFS bjóðar ókeypis kaku, kaffi, te og øl, og eisini verður okkurt til børnini.
Tiltakið byrjar kl 16.30, og øll eru hjartaliga vælkomin.
Flaggdagsquiz
Tá vit eru liðug á Regensen, kann ein leita sær í Føroyahúsið á Vesterbrogade 17, har til ber at keypa sær okkurt at eta og síðan verður Flaggdagsquiz við Rasmus Biskupstø.
Flaggdagsquiz í Føroyahúsinum byrjar kl 19.30.
Les meir um tiltaki her: https://www.facebook.com/events/350075442152018/
Við lestrarkvøðu
Meginfelag Føroyskra Studenta